«Шеберлер күні»

Қолынан әр түрлі іс келетін адамға қатысты қазақта «Он саусағынан бал тамған», «қолы алтын» деген сияқты сөз қолданыстар бар. Алтынның аса бағалы екенін ескерсек, қолына түскен дүниеден көрсең көз тоймайтын небір асыл заттар жасай білетін адамның қолын неге алтынға теңемеске?! Мектеп жанындағы «Балақай» сауықтыру алаңының кезекті күні «Шеберлер күні» деп аталды. Аты айтып тұрғандай бұл күні балғындар қол мен қиялдың жұмысын үйлестіре отырып, әр түрлі дүниелер жасап, бір-бірін таң қалдыруға тырысты. Таңғы жаттығудан соң өз қызығушылықтарына қарай кей топтар «Шебер қолдар» үйірмесіне барып, ермексаздан мультфильм кейіпкерлерін жасап үйренсе, басқа топтар ағылшын тілі үйірмесіне қатысып, сөйлесім дағдысын дамыту мақсатында ән шырқап,

сахналық қойылымдар дайындаған. Ал енді бір топтар спортзалда «Жол ережесі желісімен» атты қимыл-қозғалыс ойындарын ұйымдастырып, өзара жарысқа түскен.  Содан соң топтар арасында өткен «Жаз сүрлеуімен» атты зияткерлік жарыста барлық топтар белсенділік танытып, бір-бірінен озық болуда күш-қуаттарын аямады. Бірнеше

бекеттерге аялдап, әр бекетте әр түрлі тапсырмаларды орындап, ең көп ұпай жинауға талпынды. Аталған жарыс балалар үшін әрі физикалық, әрі зияткерлік жаттығу болды. Күннің екінші жартысында «Шеберлер күні» аясында жарияланған «Табиғат және қиял» тақырыбындағы көрмеге қатысу мақсатында әр топ өз қолдарынан түрлі бұйымдар

жасады. Жасалған заттар бір жерге әсем орналастырылып, көрмеге қойылды. Осылайша, «Таланттар күнінің» логикалық жалғасы болған «Шеберлер күні» де балалардың қуанышты күлкілері мен алаңсыз жүздерінің себебі бола алды.