11 қазан - "Халықаралық қыздар күні"

11 қазан №17 мектеп-гимназиясында Халықаралық қыздар күні

қарсаныңда мектепішілік онкүндік өткізілді.

Өткізілген іс-шаралардың мақсаты: қыз балаларымыздың қоғамдағы белсенді орнын   жинақтай отырып,  құқықтарының бұзылмауына жол бермеу және алдын алу.

      Іс-шара барысында қыздармен дөңгелек үстел, дәріс, сауалнама өткізілді. Мектепте жұмыс жасап жатқан «Мәншүк» клубының мүшелері және аталған клубтың жетекшісі Жазиева А.С. көмегімен  «Ана ұлт тәрбиешісі» атты 6-11 сынып қыздары арасында  отырыс  өткізілді. Мектеп медбикесі 8-9 сынып қыздарына жүктілікті алдын алу

тақырыбына «Қызға қырық үйден тыйым» атты дәріс оқып, олардың сұрақтарына жауап берді. Тәлімгер Қасен Ә.Н 8 сынып қыздарымен  «Мен өз құқықтарымды білем бе?» тақырыбында дөңгелек үстел өтті. Қыз балаларымызды әдептен озбай,халқымыздың салт-дәстүрін сақтай отырып, бүгінгі таңда қыздармыздың құқықтарын

бұзатын іс-әрекеттер туралы өз ойларын ортаға салды. 8-9 сынып қыздары  «Менің құқығым» жасөспірімдер арасында атты тақырыпта эссе жазды. Өткізілген шаралар барысында қыздарымыз сән күнін жариялап, киіну

үлгісін ұсынған болатын.

Мектебіміздің психологтары «Қыздар арасында» атты тренинг өткізді. Іс-шарада қыздардың құқығын таптауға байланысты мысалдар келтірді. Соңында қыз балалар, қысқаша амандасу рәсімін орындау, орынсыз еліктеп, әлем-жәлем киініп ерсіленбеу, әдепсіздік пен азғындық жолға баспау, спиртті ішімдіктер ішуден, темекі тартудан аулақ болу, әйел адамға тән өнер түрлерінің барлығын,үй шаруасын меңгеру, ұлдар мен ер азамматтар тәртібіне қыздар әдептілігінің зор ықпалы бар екенін дұрыс түсіну, үлкендердің алдын орағытып, жолын кеспеу,өтірік, өсек айтпауға шақырды.

6 «А» сыныбында сынып жетекшісі Жазиева А.С. «Қыз қырық жанды» тақырыбында пікірталас өткізілді.

Іс-шарада отбасындағы адамгершілік туралы, қыз бала тәрбиесінде ұл бала тәрбиесіне қарағанда біраз ерекшеліктердің бар екенін, отбасында еркелеп ұстап отырған қыздардың күні ертең бойжетіп өскен соң, өзге шаңырақтың түтінін түтетіп, ошағының отын жағатын әйел, ана болатынын туралы пікіралмасты. 2012

жылдан бастап БҰҰ Бас Ассамблеясы 11 қазанды Халықаралық қыздар күні деп жарияланғандығы туралы, адамның негізгі құқықтарын бұзуға әкелетін әрі бойжеткендер мен қыздардың өмірінің барлық қырларына жағымсыз әсер ететін балалар некесі проблемасы туралы да сөз қозғалды. Ерте жастағы неке балаларды балалықтан айыратыны, білім алуына кедергі келтіретіні, мүмкіндіктерін шектеп, зорлық-зомбылық және күш қолдану тәуекелдерін арттырып, денсаулығына қауіп төндіретіні жайлы айтылды. Сонымен қатар қыз баланың абыройына байланысты

ырым-тыйымдар талданды. «Қыз баланы ізетті, инабатты асыл жан етіп, ісіне көркі сай тәрбиелеу, қыз сыйлау халқымыздың қанына сіңген қасиет, олардың айналадағы адамдармен қарым – қатынас жасай білуіне көңіл бөле отырып, оларға нәзіктік пен сүйкімділік қасиеттерін бере білген. Қыздарымыз ата-бабаларымыздың ертеден келе

жатқан салт-дәстүрін, әдет-ғұрып сөндірмей жалғастыратын өнерлі де ибалы боп өссе дейміз»- деп мұғалім іс-шарасын тамамдады. Онкүндік аясында өткен барлық іс-шараларға қыздарымыз үлкен жауапкершілікпен, белсенділікпен қатысты. Онкүндікті қыздар флешмоб биімен аяқтады.