«Ертегілер еліне саяхат» атты қалалық байқауы

№17 орта мектеп-гимназиясының оқушылары 21 қараша күні  «Ертегілер еліне саяхат» атты қалалық байқауға қатысты. Бұл байқаудың мақсаты оқушыларды халық ауыз әдебиетіндегі ертегілермен, ертегі кейіпкерлерімен таныстыру, оқу сауаттылығына баулу, сөйлеу мәдениетін, ой-өрісін дамыту. Байқауға мынадай талаптар қойылды: сахнаны безендіру, образды шебер сомдау, сахна мәдениеті. Байқауға жалпы білім беретін мектептердің, лицейлердің, гимназиялардың 5-8 сыныптардың өзге ұлт өкілдері қатысты. Біздің мектептің 8 «Д» сынып оқушылары Байрамов И., Руфуллаева М., Чичеров Д., Бораншина Д. осы байқауға «Көне домбыра» атты қазақ ертегісін сахналады. Қойылым барысында оқушыларымыз Алдар Көсе,  бай, кедей әйел рөлдерін шебер сомдады. Іс-шараға қаланың  жиырмадан астам мектептері қатысып, біздің мектептің оқушылары І орынға ие болды. Дайындаған  қазақ тілі мен әдебиеті пәні мұғалімі Шекербаева Ш.Б.