"Өзін-өзі" тану пәні онкүндігі аясында 1 "Г" сыныбымен ашық сабақ өткізілді

03.02.2022 жылы Көкшетау қаласы № 17 мектеп-гимназиясында «Өзін-өзі тану: Махаббат пен шығармашылық педагогикасы» атты онкүндігі жоспарына сай 1 «Г» сыныбында өзін-өзі тану пәнінің мұғалімі Жабагина А.Т. «Қарым-қатына әліппесі» тақырыбында ашық сабақ өткізді. Сабақтың мақсаты оқушыларға адами қарым – қатынас жасау әліппесі туралы түсінік бере отырып, сүйіспеншілік құндылығының мәнін ашу. Міндеттері: 1.Оқушыларға айналадағы бәрін жақсы көрудің маңыздылығын түсіндіру. 2.Оқушылар бойындағы бауырмалдық қасиеттерін дамыту. 3.Оқушыларды  татулыққа тәрбиелеу. 
        Сабақ барысында балалар 5Т ережесін есіне түсіріп, жағымды көңіл күй орнату үшін баяу әуен үнімен ойша «Орманға саяхат» жасады.  Оқушылар өздерін қалай сезінгендері жөнінде әсерлерімен бөлісті. Сабақтың дәйексөзімен танысып, дәйексөзден алған ойларын айтып жеткізді. 
      Мұғалімнің сыйы ретінде балалар «Сүйкімді Ботакөз» әңгімесін тыңдады. Сұрақтардың көмегімен оқушылар қамқорлық, жанашырлық, ұғымдарын түсінді. Қамқорлық, сыйластық қасиеттерінің мәні ашылды.  
Шығармашылық жұмыс жасау барысында 1-топ адамдармен жақсы қарым – қатынас болу үшін маңызды қасиеттерді күн сәулелеріне жазып шықты. 2-топ отбасында ата-анасы, ата-әжесі еркелетіп айтатын сөздерді гүл күлтелеріне жазды. 3-топ суреттер бойынша қоршаған ортаға қамқорлық көрсету ережесін құрастырды.  Берілген тапсырмаларды орындай отырып оқушылар бойларына әдептілік, қамқорлық, жауапкершілік қасиеттерін сіңіре отырып, барлық адамдарға алғыс айтуды, ризашылық білдіруді үйренді. 
Сабақтың келесі кезеңінде топпен «Мен әдепті баламын» әні айтылды. Соңғы тыныштық сәтінде балалар сабақтың әр кезеңін ой елегінен өткізіп, сабақтан алған жақсы әсерлерін жүрегінде сақтап, әр кезде тек жақсыны ойлап, айтып, тыңдап, көріп, жасау керек екендігін ұғынды.