Ағылшын тілі апталығы

Ақпан айының 5-9 аралығында шетел тілдері әдістемелік бірлестігінің онкүндігі өтті. Алғашқы күні ашылу салтанаты қарсаңында мектепішілік «Евровидение - 2018» ән байқауы өтті. Сайыстың мақсаты оқушылар ағылшын тілінде ән айту. Байқауға бес оқушы қатысып, көрермендердің дауыс беруі нәтижесінде онкүндіктің жабылу салтанатында марапатталды. Жүлдегерлер: 1 орын 5 д сынып оқушысы Жанбырбай Алим, 2 орын 6 а сынып оқушысы Жакупова Аружан, 3 орынды 7 е сынып оқушылары Руфуллаева Минара мен Байрамов Ильхам иеленді. Жеңімпаздарға сыйлықтар мен дипломдар берілді.

Онкүндік барысында барлық мұғалімдер ашық сабақтар мен сабақтан іс-шаралар өткізді. 7 ақпан күні Зияда Хамидуллақызы 5 а сыныбында «Reading for Pleasure» тақырыбында ашық сабақ берді. Айдана Ерболовна «Magic English» тақырыбында 2 а сынып оқушыларымен сыныптан тыс сабақ өткізді. Сабақтарға оқу ісінің меңгерушілері мен ағылшын тілі пәнінің мұғалімдері қатысып, оң бағасын алды.

8 ақпан күні Ескендір М. А. 4 е сыныбымен «Great Britain»тақырыбында ашық сабақ және Айгуль Аманжоловна  9 б сыныбында «My own game» атты сыныптан тыс сабақ өткізді. Екі мұғалім де сабақтарында оқытудың әр түрлі әдіс-тәсілдерін қолданып, оқушылардың қызығушылығын оята алды. Осы күні 2-9 сынып оқушылары арасында тақпақшылар сайысы өтті. Оқушылар танымал ағылшын ақындарының өлеңдерін, тіпті Шекспирдің сонеттерін оқыды. Сайысқа барлығы 26 оқушы қатысып, 11 оқушы жүлделі орынға ие болды. 1 орынды 3 б сынып оқушысы Мұқан Аружан мен 5 а сынып оқушысы Сулейменова Айганым иеленді.

9 ақпан күні Шахматова А.С., Алимова Ж. М., Баймурзина А. А. сыныптан тыс іс-шаралар өткізді. Онкүндікте өткен барлық сабақтар жоғары деңгейде өтті. Сондай-ақ онкүндік қарсаңында Исаева Римма Ербулатовна 6 г сыныбында Lesson Study өткізді. Сабақ барысында А, В, С деңгейіндегі оқушылар зерттелді.