Таланттар күні

Таланттар күні

Жазғы лагерьдің алға қойған мақсат-міндеттері көп. Соның бірі – балалардың шығармашылық қабілеттерін шыңдау, олардың жан-жақты дамуына жағдай жасау. Бүгін «Балақай» мектеп жанындағы лагерінің балғындары бар өнерлерін ортаға салып, бір-бірін таңқалдыруға талпынды. «Жазушылар», «Ақындар», «Сәнгерлер»,«Бишілер», «Актерлер», «Суретшілер» деп аталған бірнеше байқау номинациялары бойынша жарысқа түскен балалардың бірі би жарысында озып шықса, енді бірі ақындық қабілетінің бар екендігін байқатты. Суретті зор шеберлікпен салып, өзін емес өзгені тамаша сомдай алатын балғындар да табылды. «Өнерлі бала сүйкімді» деген халық даналығының ақиқаттылығы «Таланттар күнінде» тағы бір дәлелденді. Одан әрі балалар өз қызығушылықтарына қарай ағылшын тілін үйренуді жалғастырды, топтарда «Құпия жұлдыз», «Мен таланттымын», «Бағдаршам», «Қарақұс пен балапандар» сияқты ойындар ойнады.

Бұл күн балғындарға мол қуаныш, зор шаттық, таусылмас күлкі алып келді.