1 мамыр- Қазақстан халқының бірлігі күніне арналған іс-шаралар есебі

        №17 орта мектеп-гимназиясында 23-30-ыншы  сәуір аралығында  « Бірлігіміз жарасқан!» атты тақырыпта апталық өтті. Іс-шараның мақсаты балаларға 1 – мамыр Қазақстан халықтар бірлігі күні мерекесі екенін жеткізу. Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

       Апталық аясында бастауыш сынып оқушылары «Достығымыз бір!» атты тақырыбында суреттер көрмесін ұйымдастырды.

      25-27 сәуір аралығында 1-11 сынып жетекшілері «1 мамыр –Қазақстан халқының бірлігі күніне» арналған тәрбие сағаттарын өткізді. Сонымен қатар  5-6 сынып оқушылары «Бір шаңырақ астында» тақырыбында қабырға газеттерінен көрме ұйымдастырды. 7-8 сынып оқушылары «Қазақстан –біздің ортақ үйіміз» тақырыбында эссе жазды.  Эссеге 7 «А», 7 «Б» сыныптары белсене қатысты. Мектеп кітапханасында  «Ел бірлігі-ең асыл қасиет» тақырыбында  кітаптар көрмесі ұйымдастырылды. «Мәншүк» қыздар клубы қазақ халқының салт-дәстүрлерін көрсетіп, халық әндерін орындады. Мектеп ұжымы және жоғары сынып оқушылары орталық алаңда өткен «Бірлігіміз жарасқан!» фестивальіне қатысып, поляк халқының ұлттық тағамдары мен қолөнер көрмесін ұйымдастыруға ат салысты.