Көкшетау қаласы № 17 орта мектеп-гимназиясында 13-18 қараша аралығында «Болашаққа бағдар: Рухани жаңғыру» тақырыбында өткен қазақ тілі апталығының есебі

Көкшетау қаласы № 17 орта

мектеп-гимназиясында 13-18 қараша аралығында «Болашаққа бағдар: Рухани жаңғыру»

тақырыбында өткен қазақ тілі апталығының есебі

«Болашаққа бағдар: Рухани жаңғыру» тақырыбында өткен апталық жоспары қазақ тілі мен әдебиеті әдістеме бірлестігінің отырысында талқыланып, жоспары бекітілді. Жоспарға сәйкес

13-қараша күні апталықтың ашылу салтанаты мәжіліс залында екі ауысым оқушыларының қатысумен өтті. Апталық жоспарымен Әдістеме бірлестігі жетекшісі жиналғандарды таныстырды, өлең оқылып, ән шырқалды. Осы күні 10 «В» сыныпта  Казыбаева Тұрсынгүл Дәулеткалиевна қазақ тілінен ашық сабақ өткізді. Сабақтың тақырыбы: Сәтбаев Қаныш Имантайұлы. Сабақ мақсаты: Көрнекті ғалым, қоғам  қайраткері, ҚР Ұлттық Ғылым академиясының  тұңғыш  президенті Қаныш  Сәтбаев жайлы  мағлұмат берді.  Ұйымдастыру сәтінен басталған сабақ талапқа сай әсерлі де тартымды өтті. Сабақ психологиялық ахуал құрудан басталды. Оқушылар бір-біріне сәттілік тіледі. Мұғалім АКТ-ны, «Ой қозғау», «Сөзжұмбақ», «Топтастыру» әдістерін, «БББ» стратегиясын, диалогтік оқытуды  тиімді  қолданды. Оқулықтағы мәтінмен ауызша және жазбаша тапсырмалар орындалды.  Оқушылар сабаққа белсенді қатысты. Сабақ барысында ғалымның өмірбаяны слайд-презенетация, бейнежазба арқылы көрсетілді. қушылармен топтық, жұптық, жеке жұмыстар орындалды.   14 қарашада мектеп кітапханасында «Болашаққа бағдар: Рухани жаңғыру» тақырыбына көрме ұйымдастырылды. Онда Елбасының биылғы жолдауы мен тақырып төңірегінде мәліметтер қойылды. Рамазанова Балжан Жанмолдиновна 6 «Г» сыныбында қазақ тілі пәнінен «Бүгін менің туған күнім» тақырыбына ашық сабағын өткізді. Сабақта әр түрлі әдіс-тәсілдер қолданылды.Үй тапсырмасын қорыту кезінде батаның түрлерін кластер бойынша топтастырды. Рухани жаңғырумен сабақты байланыстырып, оқушыларға ұмытылған  бата түрлерін түсіндіре кетті. Жаңа сабақ «Ой толғау» әдісі бойынша М.Мақатаевтың «Бүгін менің туған күнім ой пәлей» атты өлеңімен басталып сабақтың тақырыбын балалар өздері ашты. Сабақта жаңа сөздермен танысып, сөз тіркестерін құрады. Сынып топқа бөлініп, топтық, жұптық, жеке жұмыс түрлері болды. Сабақта топ бойынша әр түрлі тапсырмалар болды. Кітаппен жұмыс, мәтінмен жұмыс, мәтінге сұрақтар құру, әр түрлі грамматикалық талдаулар болды. АКРО өлең, Сенквейн әдісі, диалог құру болды. Рухани жаңғыру бойынша ұлы тұлға М.Мақатаевтың өмірі мен шығармашылығын таныстырып, өлеңдерін дәріптеді. Кубизм әдісі, «БББ» стратегиясы қолданылды. Сергіту сәті өткізіліп, жаңартылған оқыту бағдарламасы бойынша сабақта «Балмұздақ таяқшалары» әдісі арқылы қорытылды. Сабақ соңында топ басшылары бағалау жасады, кері байланыс жүргізілді.   15-қараша күні қазақ тілі мұғалімі Шекербаева Ш.Б. 8«Г» сыныбында «Қазақстанның демалыс орындары» тақырыбына ашық сабақ өткізді. Оқушылар еліміздегі демалыс орындары туралы білімдерін сабақтың жеті кезеңінде тапсырмалар арқылы көрсетті. Сабақта «Амандасу дәстүрі» тренингі, «Блиц-сұрақтар», «Синквейн» әдістері тиімді қолданылды. Топтық жұмыста лингвистикалық импровизация, бірін-бірі бағалау болды, АКТ технологиясы, Модульдік технология, сын тұрғысынан ойлау элеметтері қолданылды. Сабақ соңында рефлексия жүргізілді. Қазақ тілі мұғалімдері Рамазанова Б.Ж. және Каримова Р.О. 5-6 сынып оқушылары арасында «Мәңгілік ел - мұратым» атты тақпақшылар сайысын өткізді. Сайысқа  20 оқушы қатысты.  Оқушылар Отан, ел , Атамекен, тіл тақырыбына жаттаған  өлеңдерін оқыды. Сайыс үш кезеңнен тұрды, оқушыларға «Зымыран сұрақтар» қойылды, "Жеті жұрттың тілін біл» кезеңінде слайдтардағы суреттерді үш тілде атап берді. Негізгі бөлім «Өлең сөздің патшасы, сөз сарасы» деп аталды. Қазылар алқасы шешімімен  

І орын  - 5 «Д» сынып оқушысы Семеоненко Д.

ІІ орын  6 «Д» сынып оқушысы Бадалян Оксана

ІІІ орын  6 «Г» сынып оқушысы Шапавалов А. иеленді

Сонымен қатар 5 «ж» сыныбында Муканова Г.Б. «Тұмар (Томирис) туралы аңыз» тақырыбында жаңа сабақ өткізді. Жаңартылған оқу бағдарламасымен оқытылатын сыныпта жаңа сөздерді  меңгеру, мәтіндегі негізгі ақпаратты анықтау, қалыптастырушы бағалау сабақтың өн бойында жүріп отырды. Топтық жұмыста ереже пысықтау, кластер құру, постер қорғау, сұрақ-жауап әдісі болды. Сабақ жаңа тақырып ретінде өз мақсатына жетті, оқушылардың тілдері жатық, таза, ойларын еркін жеткізе алады. 16-қарашада 4 «Е» сыныпта Даирова А.А. саяхат сабағын өткізді. Сабақта Астанаға саяхат жасай отырып қызығушылығын арттыру барысында сабақтың әр кезеңінде әр түрлі  әдіс- тәсілдермен, ойындар өткізді. Сабақта  АКТ, үлестірмелі карточкалар, бағалау парағы, карта, бейнебаян, тест жұмысын пайдаланды. Кезең- кезеңмен өткен сабақ барысында түрлі ойластырылған лексико-грамматикалық тапсырмалар орындады. «Шаттық шеңбер», «Ыстық орындық»  әдісі, «Аудармашы» т.б.  ойындар ойналды. Сабақ әдістмелік жағынан шебер құрылған, барлық жағынан да жоғары деңгейдегі сабақ болды, оқушылар білім нәрімен сусындады. «Қазақшаңыз қалай?» атты сыныптар арасында сайыс болды. Өткізген мұғалімдер Махметова М.К., Шарипова Ж.Ж. Сайыс 5 кезеңнен тұрды, әр сыныптан үш оқушыдан қатысып, «Таныстыру», «Кім жылдам?», «Дода», «Әріптер сөйлейді», «Сөйлемдер құр» кезеңдерінде сайысқа түсті. Қызықты жарыс болды, жеңімпаздар анықталды, марапатталды. Осы күні 7-сыныптар арасында «Білімді мыңды жығар» сайысы жүргізілді. Қазақ тілі мұғалімі Гульмира Бримжановна оқушылармен қызықты,тартымды, мазмұнды жарыс өткізді. Оқушылар арасынан қазылар сайланып, берілген тапсырмаларды шешу барысын бақылап баға бере білді. Ұстаз оқушылардыізденімпаздыққа, шешім қабылдауға, жылдам болуға, әділ болуға, жан-жақты дамуына өз ықпалын тигізді. Сайыс өз мақсатына жетті. Қазақ тілі мұғалімі Альжанова М.Н. 3 «З» сыныбында «Дүкендер» тақырыбына ашық сабақ берді. Жас маманның сабағы әдістемелік жағынан дұрыс құрылған, жаңашыл әдіс-тәсілдерді, педагогикалық технологиялардың элементтерін тиімді қолдана білген сабақ болды. Тәжірибелі ұстаздар тарапынан жоғары баға алды. Оқушыларымен түрлі тапсырмалар орындап, топтық жұмысты дамытты. Акт әдісі, Сергіту сәті т.б. кезеңдері жақсы құрастырылған.  Тек шығармашылық табыстар тілейміз. 2 «М» сыныбында ашық сабақ өтті. Мұғалімі Махметова Меруерт Каиргельдиневна. Сабақтың тақырыбы: « Менің оқу құрал жабдығым», бекіту сабағы. Сабақ сергіту сәтінен, бір-біріне тілек тілеу, топқа бөлінуден  басталды. Сабақта оқушылар түрлі тапсырмалар орындаумен  қатар, ауызекі сөйлеу тілдерін де дамытты. Тілдік дағдылардан - тыңдалым, айтылым орындалды. «Балмұздақ таяқшалары», «Сәйкестендір», «Не артық?» әдістері тиімді қолданылды, оқушылардың тілдері таза, жатық. Сабақ өз мақсатына жетті. 17-қарашада бірнеше ашық  сабақтар мен сыныптан тыс іс шаралар өтілді. Тәжірибелі ұстаз Шаматова Л.Х. өткізген сабақ тақырыбы: «Менің Отаным»  4 «Е» сыныбында болды.  Сабақтың басынан түрлі әдістермен әрбір кезең орындалып, қызықты да мазмұнды сабақ болды. «Ыстық алақан», «Топтастыру», АКТ әдісі, фонетикалық жаттығу, сергіту, «сандар сөйлейді», «Алмаларды жинау» ойыны өткізілді. Оқушылар сабақта өте белсенді қатысып, өз білімдерін көрсете алды. Мұғалімнің зор тәжірибесі нәтижесінде әр оқушының Отанына деген сүйіспеншілігі артты. Кері байланыс жасалды. Бұл күнде де 4-сыныптар  арасында «Ойлы болсаң, озып көр»атты  зияткерлік сайысты  қазақ тілі мұғалімдері Шаматова Л.Х. мен Даирова А.А өткізді. Жарысқа жүзден жүйріктер қатыстырылып, нағыз дода болды. Әр оқушы өз білімін ортаға салып, білімін шығдады. Қазақ  тілі  мен  әдебиеті  пәні  апталығында  8,9,10 - сыныптар  арасында  Рамазанова Б.Ж. , Казыбаева Т.Д.  17 қараша күні    «Салт-дәстүрім  - таусылмайтын  байлығым» атты  сыныптан  тыс  іс-шара  өткізді. Бұл  іс-шарада  өзге  ұлт  өкілдерінің  балаларына  қазақ  халқының  салт-дәстүрлерімен  таныстырып, тәрбиелік  мәнін  ұғындырды. Бұл  іс  -шарада  оқушылар салт-дәстүрлерден көріністер  көрсетіп, қазақша  ән айтылып, би биледі. Рухани  жаңғыру  бағдарламасы бойынша  оқушылардың  бойына  Отанға деген  сүйіспеншілігін  арттырып, патриоттық сезімдерін оятып, қазақ  халқының  байырғы ұмытылған  салт-дәстүрлерін  жаңғыртты. Сыныптан  тыс  іс-шарада оқушылар  өздері  дайындаған  презентациялары мен бейнежазбаларын  көрсетті. Бұл  іс-шара жақсы  деңгейде  өтіп, оқушылар  рухтанып  кетті. 2 «з» сыныбында қазақ тілі мұғалімі Шарипова Ж.Ж. «Мынау – қалың кітап». Сабақ топтық жұмыста жүрді, жаңа тақырыпты ашу мақсатында сөзжұмбақ шешу, сөздік жұмысы, «Адасқан әріптер», «Ойлан тап» ойындары оқушылардың қызығушылықтарын арттырды. Оқу құралдарын танып, пысықтап қана қоймай оқушыларды оларды сипаттауды, салыстыруды  да үйренді. Оқушылар жақсы білімдерін көрсетті, жүйелі білім алды. Кері байланыс арқылы оқушылар бағаланып отырды. «Тұмар (Томирис) туралы аңыз» тақырыбына қазақ тілі мұғалімі Каримова Р.О. 5 «Д» сыныпта  ашық сабақ өткізді. Сабақтың мақсаты: Тұмар патшайым туралы алдынғы білімдерін бекіту, жаңа сөздерді қолдана білу, сипаттай білу, есімдіктің түрлерін қолдану, бағалау критерийлері бойынша қалыптастырушы бағалау жүргізу Сабақ шеңберде психологиялық ахуал тудырудан, сабақтың ұранымен, сәттілік тілеуден басталды. Үй тапсырмасын тексеру барысы «Дұрыс жауап сызығы» әдісі арқылы өтті. Жаңа сабақ барысында оқушылар топтық, жеке, жұптық жұмыстар орындады. Топтық жұмыс барысында «Ойлан-жұптас-бөліс», «Стопкадр»  әдістері тиімді болды. Грамматикадан да пысықтау жүргізілді, жазылым дағдысын қалыптастырды. Сабақты бекіту кезеңінде «Ішкі –сыртқы шеңбер» әдісі айтылым дағдысын дамытуға негізделген.  Оқушылар белсенді жұмыс орындады, сергіту жүргізді. Тарихта болған тұлға - Томирис батыр қыз туралы жүйелі білім алды. Сабақ өткізген мұғалімдер сабақ беру кезінде жаңашыл педагогикалық технологияларды  жетік меңгерген, жаңартылған оқу бағдарламасымен оқитын сыныптарда әдіс-тәсілдерді тиімді қолдана білетін шебер де  шығармашыл ұстаздар екендерін дәлелдей білді. Апталық толығымен жоғары деңгейде өтті.